AKOJEME

por Hayim Nahman Bialik, traduzido por Matilda Koen Sarano

Akojemé debasho de la tu ala.
Madre i ermana seas para mí.
Sea tu seno a mi kavesa nido
De mi pedrida orasión.

I ora de piadá, kuando ennochese
Mis penas sekretas te deskuvriré:
Dizen ke ay mansevés en el mundo.
And’está mi mansevés?

I otro sekreto konfiar te kero:
Mi alma en una flama se kemó.
Dizen ke amor ay en el mundo.
Kualo es el amor?

Las estreas me enganyaron,
Tuvi un esuenyo i él pasó.
Nada mas no tengo en el mundo,
Nada mas me kedó.